今日我冇落公園呀。因為細路要學游水，我又唔想自己一個落去（怕悶嘛），所以冇去。

今日當我平時去公園既時間，用左黎去圖書館。當我搭單數電梯既時候，見到琴日潘寶琦話：你地好似情侶．．．當中既男主角，我突然覺得個心好唔舒服，總之好似鍾意左佢，但係唔敢見佢。唔知我對佢係咪真係有意思呢？不過我依家真係好亂，我已經唔想再鍾意人，因為之前先發覺鍾意一個人係好辛苦架。唔係只係講聲我愛你就可以代表佢／我會愛你一生一世！依句我愛你或者只係暫時性，所以你鍾意同邊個都冇所謂。其實好多人結婚既時候都會話，我會照顧你一生一世，其實係咪真？我都唔知。所謂我覺得好多人都將愛情當係好少事，但係如果你真係有愛情，可能有第三者出現，可能會燥交，出現感情上既問題，我覺得如果真係有愛情，你要負出比任何野都多既代價，要維持一段感情更加唔係一件容易既事啦。其實我咁細個係咪真係可以拍拖？我好唔想人地鍾意我，當我地之間有感情之後，就會好麻煩！可能唔想比人知道，會好辛苦！愛情可以令人開心，可以令人傷心，開心只係好少既時間，傷心可能係一世。當然我都要為自己訂立目標，睇睇大個之後，幾時結婚。老公隨時都會花心，一定要揀一個好老公。

　　錢包就起２０號果日搵番喇，冇寫幾日，唔好意思。

今日（２２日）我都有落公園，我本來同緊吳子田玩既，仲玩得好開心！不過突然，潘寶琦叫我，佢話：我地玩緊接力，你玩唔玩？．．．咁就知道佢地玩接力唔夠人啦。仲洗講咩！咁佢地就搵兩個出黎，分別做第１隊同第２隊既猜包同揀人既果兩個。猜ｗｉｎ一次就可以揀一個人。跟住我對手果隊（遲ｄ會講到）就揀左果次同我一齊搭電梯番屋企既果兩個住１９樓既兄弟，當然啦，揀佢地果個就係佢地果ｆｄ，都係搭電梯果個住１０樓既人。（好複雜！！－．－）跟住我對手果隊又可以揀人先，跟住潘寶琦就話：揀鄭凱澄（我）啦！跟住有ｄ人就話：你地（當然女主角係我，男主角係住１９樓既，但係我唔知佢係阿哥定細路既果個男仔）好似一對情侶喎！跟住為左再比人講，我地就比分開唔同佢隊喇。我係跑第一棒既，而另隊就係巴西龜。一開跑，潘寶琦叫我跑快ｄ，因為巴西龜起度飲野，巴西真係跑得好慢呀！！！因為佢好驚倒哂ｄ野嘛。結果我果隊既第二棒跑到去一半，先見到巴西跑緊去交棒比第二棒。結果都係我地ｗｉｎ左。

但係你話我有冇鍾意果個男仔，我都唔知。

　　今日（～補寫８月１９日）我去公園既時候，見唔到佢（我鍾意既人）雖然見唔到佢，但係我都覺得冇咩所謂，我已經冇左果種ｆｅｅｌ啦。我同平時一樣，一係同潘寶琦佢地玩，一係同吳子田佢地玩，我選擇左同吳子田玩。有一個人，同佢呀媽呀爸落黎玩，吳子田識佢，吳子田想問我可唔可以同佢（果個人）一齊玩，我話唔可以，跟住我地都係同平時一樣正常咁玩。突然，我聽到遠處有一把聲叫我，好似係潘寶琦黎既。果然真係喎，佢話佢地玩緊接力，但係另外一隊唔夠人，於是叫埋我去幫另外一隊。我細路同肥妹（吳子田）等我去左幫手既時候，叫埋佢（果個人）同我地一齊玩，我番到黎，咪迫於冇耐，同佢玩埋一份囉！佢見到我個錢包，就覺得有人唔記得囉走，於是佢自己就囉走左，跟住就跟埋佢媽咪爹ｄ走左囉。過左冇記耐，我準備走既時候，先發覺錢包唔見左，跟住搵左陣，就去左管理處度打電話比呀媽囉，咁ａｒｍ呀媽落黎帶我走，我問佢（媽）：你有冇囉過我個錢包？佢（媽）話冇。媽咪知道之後，發哂火，我果錢包有６蚊、學校圖書証、ｉｔ會員証、大廈智能咭。今次真係有掛先可以申請番哂ｄ咭喇。仲要比錢添架。唉．．．

　今日我冇去公園呀。因為呢今日細路要學游水，又唔去得公園，我好驚見到佢（我鍾意果個）。平日我都係靠話細路想同你玩，我又玩，先可以同佢玩。今日真係驚，唔知點同佢講，所以先唔去。真係唔明點解今日見唔到佢真係有ｄ心掛掛。聽日去公園一定要扮得成熟ｄ先得，真係要學下打扮下先得。不過都係要靠你地既意見，有咩意見呀！我已經淋到一個ｌｏｏｋ，不過又真係太過成熟少女味道，唉．．．’燈’，淋到喇！我淋到個細路少年大人呀婆都ａｒｍ既髮型喇。不過結果有咩反應都係等聽日先話你地知。不過都係仲有一個問題，問題就係：我應唔應該衣服方面整得成熟ｄ啦？唉．．．睇黎我都係一個話唔到事既人

　今日我落到公園既時候，唔敢見佢（我鍾意既人）於是冇咩點同佢講野，不過，過左冇幾耐，佢地玩完喇。然後佢見到佢個朋友抱住一個ｂｂ，就衝過去同佢一齊同ｂｂ玩，真係好細心又好溫柔。我就係鍾意一ｄ好有個人風格既人，佢．．．簡直係入型入格。真係估唔到佢竟然知我細路係邊位，仲識得叫佢ｂ仔（我細路個花名），我淋佢都會知我係佢家姐喇掛！不過起前幾日，我起商場見到佢，同行既仲有一個女仔（好靚女架）同一個男仔，應該係同年齡既，唉．．．應該係佢ｄ同學，唔知果個女仔有冇鍾意佢呢？唉聽日又要落公園，如果比去公園既果班人知道我鍾意佢，就會好似上次咁，有個女仔，比佢地係講佢鍾意邊個，整到喊。如果我都係咁，就死得喇。

　　為左方便，我都係用番口語化。咁都自由番ｄ呀。

 　我依家唔知點解好鍾意去樓下既公園度玩。每日我都去公園。以前３年級既時候，我覺得去公園好低ｂ！但係依家起我心目中已經唔再有個印象。真係好奇怪！直至前幾日，我竟然見番三兄弟，以前我成日同佢地玩既三兄弟。大哥跑得好快，二哥就冇咁快，二哥係細過我既，而細路就好ｃｕｔｅ。我竟然發覺鍾意左大哥，佢真係好型仔架！不過就唔好彩既係，我識佢，佢唔識我。所以咁樣，我就冇可能同佢發展。雖然係冇可能，但係我都冇死心，我平時鍾意過咁多人，只要知道同佢冇可能就唔會再想佢。但係今次明知冇可能，我都唔死心，真係好奇怪！都係第一次，唔知咁算唔算叫做真愛。但係我ｄ同學知道我鍾意一個’無理頭’、公園細路仔既人，就一定睇死我！不過我都係一個公園細路仔，但係佢地係唔明架！佢（我鍾意既人）真係好有型，如果佢大過左，做正經工作，穿西裝，真係好有型！唉．．．都唔知點同佢講清楚