SK-Diary - 阿牛-Diary

23-05-2006(星期二)

Tue, 23 May 2006 12:00:00 +0000

今日有d悶,其實都唔係有d,直情超悶添.本身今日有一個班際足球比賽,點知就成天都係到落雨,攪到又要將個比賽押後,之前都以經將個賽事押後過架啦,但係個日咁啱有個颱風黎---珍珠,就係呢粒珍珠,攪到我地成日要將個賽事押後,都唔知幾時先可以攪得成呢個比賽呀?

Mon, 22 May 2006 12:00:00 +0000

今日都冇咩特別野可以寫低,只係留堂個度令我唔開心,共他野都咩特別.四係上科學堂個陣玩得幾開心.

Sun, 21 May 2006 12:00:00 +0000

今日早上八點幾,我同左一d同學去燒烤,但係今日就落好大雨,不週我地都繼續燒.我地一開次都起唔到個爐,不過一陣就有幾個外籍人士黎幫我地,所以我地都有燒到.燒完之後,我地就買左條褲落蝴蝶灣游水,玩下玩下就玩到六點幾,就去換衫番屋企.

Sat, 20 May 2006 12:00:00 +0000

今日,沒有什麼特別既事情可以寫低.我今日留左係屋企陪阿爸阿媽,不過到左下晝,昊倫就叫我落街踢波,踢左陣就番左屋企啦.

Fri, 19 May 2006 12:00:00 +0000

今日都冇乜野做,但係有一樣野令我好內疚,就係玩閃避球既時侯極可能係因為我而輸,所以我為了呢件事而覺得好唔開心.不過,玩完閃避球個陣,我就走左去打排球,我既技術沒有退步,而且還打得唔錯,所以心情都唔算太差.

Thu, 18 May 2006 12:00:00 +0000

今天,有好多好開心既野,有家政課既時候啦,有玩閃避球既時候啦,仲有足球訓練既時候.

上家政堂個陣,要整d雞肉,一攞上手既時候覺得極核突,極難搞,不過都會成功.係玩閃避球個陣既感覺都幾好,有少少害怕既感覺,不過都幾好玩.係足球訓練個陣,只得三種感覺,就係-開心,累同埋口渴,不過我都仍然好鍾意足球,因為足球可以帶俾我好大既快樂.

Wed, 17 May 2006 12:00:00 +0000

今天,一如過往的正常番學,但因為有颱風既侵襲,所以今日唔洗周會,真的好呀!

放學後,見得閒冇野做,就搵d波友出黎踢下波,我地無懼風雨的去踢,真的是有另一種感覺,真爽!