以前..现在..将来..

Sat, 05 Aug 2006 12:00:00 +0000

一个星期噜..呵..虽然辛苦..但系我都挨到过黎..

放低你真系唔容易..将一段4年嘅感情忘记更加唔容易..

好老实咁话俾你听..之前我仲好想挽留你..好想知道你D嘢..

但系经过今日..我觉得自己好傻..我改变晒我嘅捻法..

去挽留一个唔中意自己嘅人..为佢担心..为佢流泪..我觉得好唔值..

因为除左爱情..我身边仲有好多嘢可以做..何必令自己唔开心呢..

虽然到依家我仲好爱你..不过我唔想为一段冇结果嘅爱情去付出..

我唔系自私..只不过我唔想自己唔开心..更加唔想你难受..

与其系咁..不如早D放开你..咁对大家都好..

搞成今日咁..我捻唔可以推晒所有责任落我身上..

因为我真系好攰..我再咩唔起咁重嘅责任..

好多嘢我想解释..但系我有口难言..

不过解释都冇用..解释只会令我地增加更多嘅误会..过左去嘅就算啦..

况且爱情冇话边个啱边个错..

既然你选择左佢..你就应该去适应佢..去习惯佢..

只要佢开心..所有嘅憎恨都会消失..我唔知你系米咁捻..

但系我自认未到咁高境界..

不过我已经习惯左你..习惯虽然难改..but难唔代表唔得..

希望你对我所有嘅责怪可以俾时间去冲淡..

我地之间好多嘅嗌交都系因为我地好少同对方沟通..你想点..我唔知..我想做咩..你亦都唔清楚..

如果当初可以讲出黎..可能唔会发展到依家咁..

就当今次系一个教训啦..

今次之后..我捻我会识得点去爱一个人..点去俾到佢幸福..点去俾佢依赖..点去维系一段感情..

人经历得多先会长大..先会识得睇问题..

今次嘅经历..我学识好多嘢..亦都带黎左唔少嘅问题俾我思考..

所以分手并唔系想象中咁可怕..人人都要经历..睇你系积极抑或系消极去对待嘅姐..

外人只不过系辅助你..真正帮到你嘅只有自己..

其实分手就好似感冒咁..第一次觉得好辛苦..

但系第二次就会对佢有左抗体..

我唔敢肯定我地以后系会点..系朋友.系敌人.定系其他..

世事无常..冇人古到听日会发生咩事..

但系我敢肯定嘅系我冇后悔过同你一齐..

如果再可以俾我选择..我一样会选你..

因为同你一齐我真系好开心..你系唯一俾到快乐我嘅人..

除左你..恐怕冇第个..

点点滴滴..每一个画面..我都会记得..

如果有一日我失忆..可以俾我选择记番起一段回忆..

我一定会简我地曾经一齐嘅依段回忆..

如果我地一齐系发紧梦..咁我希望..我永远都唔好醒..

我好清楚自己依家讲紧咩..我并唔系一时激动先咁讲..

我唔知道自己有几耐命..但系系我死之前..我都唔会delete依段回忆..

就当系你留俾我最后嘅礼物..

而我地之间嘅承诺只有埋系心入边..

点都好..多谢你依4年黎为我付出咁多..

做唔成你嘅情人..但系都好感激你..

无论你依家有几憎我..有几恨我..

都请你接受我依个多谢..

仲有..你冇需要避开我..而我都唔会稳你..就系咁..

虽然我已经冇资格理你..但系就当为左我地一齐4年..

请你应承我..以后要过得开心..快乐..幸福..好冇?

依篇嘢可能系我最后系依度写嘅嘢..

我唔想再为你捻咁多..

我真系好攰..我唔想再折磨自己..

就俾依一切化作回忆啦..

不在乎天长地久..只在乎曾经拥有..

wirte in 2006.8.1

SK-Diary - ﹎, Κωαп's Dīαrч'゛ミ

以前..现在..将来..